III КМШ оюндары: кыргызстандык волейболчулар Азербайжан менен беттешет

Кыргызстандын волейбол боюнча эркектер курама командасы III КМШ оюндарынын алкагында 30-сентябрда Азербайжандын курама командасы менен беттешет.

Оюн Азербайжандын Гянджа шаарындагы спорт сарайында өтөт.

Беттеш Бишкек убактысы боюнча саат 20:30да башталат.

Белгилей кетсек, Кыргыз Республикасынын волейбол боюнча кыз-келиндер курама командасы кечээ, 29-сентябрда Беларусь Республикасынын курама командасы менен беттешип, 0:3 эсебинде жеңилип калды.