Клубдардын жаш командаларынын машыктыруучулар үчүн үч күндүк семинар өтөт

8-10-апрель күндөрү Бишкек шаарында жаштар жана өспүрүмдөр футболунун машыктыруучулар үчүн үч күндүк семинар өтөт. Бул семинар Кыргыз Республикасынын 15 жана 16 жаштагы жаштар командалары катышкан чемпионаттарга катышкан машыктыруучулар үчүн уюштурулууда.

Семинардын негизги максаты — машыктыруучулардын квалификациясын жогорулатуу, тажрыйба алмашуу жана машыктыруучулук иш процессин жакшыртуу болуп эсептелинет. Семинардын программасы теориялык сабактарды, видео-анализдерди жана практикалык машыгууларды камтыйт. Иш-чаранын катышуучулары жаш футболчуларды окутууда заманбап ыкмаларды талкуулоо мүмкүнчүлүгүнө ээ болуп, алган билимдерин практикада колдонушат.

Семинарга «Абдыш-Ата», «Азиягол», «Дордой», «Илбирс», «Кыргызалтын», «Барс», «Алга», «Талант» жана «Бишкек сити» клубдарынын балдар жана өсүрүмдөр командаларынын машыктыруучулары катышууда. Семинар үч күн бою өтүп, анын жыйынтыгында машыктыруучулар өз командаларында эффективдүү иштөө үчүн маанилүү билимдерди жана көндүмдөрдү алышат.