Балдар футбол лигасынын президенти болуп Дастанбек Конокбаев дайындалды

Дастанбек Конокбаев КРнын Балдар футбол лигасынын жаңы президенти болуп дайындалды. Бул тууралуу Кыргыз футбол биримдигинен кабарлашты. 

Дастанбек Конокбаев – Кыргыз футбол биримдигинин вице-президенти жана Борбор Азиянын футбол ассоциациясынын АФКнын Аткаруучу комитетиндеги өкүлү.

Ал КФБдагы (Буга чейин КРФФ) ишмердүүлүгүн 2004-жылы баштап, эң маанилүү өнүгүү этабында уюмдун жетекчилеринин бири болгон.

Белгилесек, Балдар футбол лигасы – Кыргыз Республикасындагы балдар жана өспүрүмдөр арасындагы футболду өнүктүрүүгө жооптуу уюм.