Депутат Алишев Козуев ЖРТ суроолорун мектеп программасынын алкагында даярдоону сунуштады

Жогорку Кеңештин жыйынында депутат Алишер Козуев 11 жыл мектепте окутулган программа ЖРТнын суроолоруна кирбей калышы ата-энелерге ашыкча түйшүк жаратып жатканын билдирди.

Ал бул боюнча шайлоочуларынан кайрылуулар келип жатканын белгиледи.

“Бүгүнкү күндө 10-11-класстын окуучулары мектеп программасына көңүл бурбай, кошумча курстарга барып, тестке даярданууга аргасыз. Анткени алар 11 жыл окуган программа башка, ал эми ЖРТ суроолору такыр башка. Мүмкүнчүлүгү бар ата-эне балдарын кымбат баалуу курстарга бере алат. А бирок мүмкүнчүлүгү жетпеген же айылдарда жашагандар эмне кылат. Баарынын эле кымбат курстарга балдарын жаздырууга, айылда жашагандар райондун борборуна же шаарга жөнөтүүгө чама-чаркы жете бербейт. Коңшу өлкөлөрдө, мисалы, Россия жана Казакстанда жалпы тестирлөөнүн суроолору мектеп программасынын алкагында даярдалат”, – деди депутат.