Балдарды кароосуз калтырбагыла — Агартуу министрлиги ата-энелерге кайрылды 

Кыргызстандын Агартуу министрлиги ата-энелерге кайрылып,  акыркы учурда өлкөдө балдардын сууга агып кетүүсүнө байланыштуу кайгылуу окуялар катталып жаткандыгын эске салды. 

Министрлик жайкы каникул мезгилинде ата-энелерди жана мыйзамдуу өкүлдөрдү балдардын коопсуздугуна өзгөчө көңүл бурууга чакырат.

Төмөнкү коопсуздук эрежелерин сактоону өтүнөбүз:

• Балдарды кароосуз калтырбаңыздар, алардын кайда жүргөнүн дайыма көзөмөлдөңүздөр;
• Балдардын агын сууларга, каналдарга жана башка кооптуу көлмөлөргө жакындашына жана түшүүсүнө жол бербеңиздер;
• Көлгө же башка суу жайларына барганда коопсуздук эрежелерин так сактап, балдарды чоңдордун көзөмөлүсүз сууга түшүрбөңүздөр;
• Балдардын мурда барбаган тоолуу аймактарга жалгыз чыгуусуна жана белгисиз өсүмдүктөрдү, мөмөлөрдү жешине жол бербеңиздер.