Айтматов районунда орун алган мыйзам бузуулар боюнча кылмыш иштер козголду

Талас облусунун Айтматов районунун прокуратурасы тарабынан жүргүзүлгөн текшерүүдө, Аманбаев айыл өкмөтүндө жайгашкан Р.Шүкүрбеков жана Э.Эсенаманов атындагы орто мектептеринде курулуш-монтаждоо иштерин жүргүзүүдө, ошондой эле Шекер айыл өкмөтүндө жайгашкан Ч.Айтматов атындагы үй-музейдин курулушунда, мыйзам бузууларга жол берилип, мамлекетке 1 миллион 700 миң сомдон ашык зыян келтиргендиги аныкталган.

Аталган фактылар боюнча кылмыш иштери козголуп, материалдар Айтматов райондук ички иштер бөлүмүнө тергөө амалдарын жүргүзүү үчүн өткөрүлүп берилди.