Кыргызстандык окуучулар биология боюнча эл аралык олмипиадада командалык эсепте I орунду ээледи
Кыргызстандык окуучулар биология боюнча эл аралык олмипиадада командалык эсепте I орунду ээледи. Бул тууралуу Агартуу министрлигинен кабарлашты.
Маалыматка ылайык, ушул жылдын 10–17-майда быйыл биринчи жолу Россия Федерациясынын Сочи шаарындагы “Сириус” билим берүү борборунун базасында биология боюнча Open International Biology Olympiad (OIBO 2025) аттуу Ачык Эл аралык Олимпиада өттү. Иш-чарага дүйнөнүн ар кайсы өлкөлөрүнөн келген таланттуу мектеп окуучулары катышты.
Окуучулар үч баскычта күч сынашты: теориялык, практикалык жана командалык долбоордук турлар.
Кыргыз Республикасынын курама командасы жогорку даярдыкты көрсөтүп, 1 алтын, 3 күмүш жана 2 коло медаль жеңип алышты. Мындан тышкары, командалык долбоордук турда 1-орунду ээлеп, алтын медаль менен сыйланышты.
Жекече жыйынтыктар:
- Дмитрий Рубан, «Сейтек-STEM» билим берүү комплекси – алтын медаль
- Увалиев Нурсултан, Х. Карасаев атындагы Каракол лицейи – күмүш медаль
- Виноградов Арсений, Ж. Баласагын атындагы Токмок лицейи – күмүш медаль
- Русланбеков Улукбек Арстанбекович, «Сейтек-STEM» билим берүү комплекси – күмүш медаль
- Асанкалыев Ахмед, Жайыл Баатыр атындагы ООЛ – коло медаль
- Русланбеков Омурбек Арстанбекович, Ч. Айтматов атындагы Бишкек лицейи – коло медаль
Команданы даярдаган машыктыруучулар курамы:
- Башкы машыктыруучу – Эльбрус Тажибаев
- Башкы машыктыруучунун орун басары – Оксана Алексеевна Шубина
- Олимпиадага даярдоо ишин жүргүзгөн – Olympiad League Academy командасы