Кыргызстанда мектептер модернизацияланууда: 27 миңден ашуун ноутбук жана дээрлик 500 жаңы билим берүү объектилери
Агартуу министринин орун басары Надира Жусупбекова маалымат жыйынында 2024-2025-окуу жылынын жыйынтыгын чыгарып, билим берүү тармагындагы маанилүү жетишкендиктер тууралуу айтып берди.
Санариптештирүү
“Алтын Казык” улуттук программасынын алкагында билим берүүнү санариптик трансформациялоо боюнча кадамдар жасалды:
- 1000 даана компьютердик техника сатып алынды;
- 2025-2026-окуу жылына мугалимдер үчүн 27 миңден ашуун ноутбук сатып алынат;
- жаңы электрондук сервистери ишке киргизилди - “Санарип Кампа”, “Балалык”, мектепке электрондук каттоо, электрондук күндөлүк жана санариптик билим берүү документтери.
Мектептердин инфраструктурасы
Мектеп имараттарын камсыздоого өзгөчө көңүл бурулду:
- “Мектеп” системасында орундарды инвентарзициялоо жүрдү – 1534 мектепте дээрлик 489 миң бош орундар аныкталды, бирок 577 мектепте 163 миңден ашуун орун жетишпейт.
- 2025-жылы өлкө боюнча дээрлик 500 билим берүү объектилерге курулуш, оңдоо жана долбоорлоо иштерин жүргүзүү пландаштырылды.
Каржылоо
2025-жылы мамлекет билим берүүгө 68,8 миллиард сом бөлгөн, бул Кыргызстандын ИДПсынын 4,2 пайызын түзөт. Бул билим берүү системасын өнүктүрүү мамлекеттик саясаттын приоритеттеринин бирине айланганын баса белгилейт.
Жусупбекованын айтымында, реформа билим берүү сапатын жогорулатууга, окуучулар жана мугалимдер үчүн шарттарды жакшыртууга, ошондой эле заманбап санарип ресурстарына жеткиликтүүлүктү бирдей кылууну камсыздоого багытталган.