Венгриядагы Балаши стипендиялык программаларына каттоо ачылды

Кыргыз Республикасынын Билим берүү жана илим министрлиги Венгриянын Тышкы экономикалык байланыштар жана тышкы иштер министрлиги тарабынан уюштурулган Балаши стипендиялык программасына 2025–2026-окуу жылына карата өтүнмөлөрдү кабыл алуу башталганын маалымдайт.

Бул программа Мартон Арон атындагы стипендия менен биргеликте ишке ашырылат.

Негизги программанын узактыгы: 10 ай (2 семестр). Катышуучуларга төмөнкү мүмкүнчүлүктөр берилет:

• акысыз окуу;
• жатаканада жашоо;
• ай сайын 45 000 венгр форинти өлчөмүндө стипендия;
• базалык медициналык камсыздандыруу.

Программа тууралуу толук маалымат расмий веб-сайтта жеткиликтүү: https://balassieducation.hu

Ошондой эле, чет элдик жарандар "Балаши жайкы университети" программасына катышып, венгер тилин, тарыхын жана маданиятын кыска мөөнөттүү курстар аркылуу үйрөнө алышат.

Узактыгы: 4 жума.

Толук маалымат: https://balassieducation.hu/en/call-for-applications/call-for-applications-balassi-summer-university-2025/