Талас шаарындагы милициянын мурдагы имараты жаркыраган бала бакчага айланды

Президент Садыр Жапаровдун онлайн катышуусунда бүгүн, 11-сентябрда Талас шаарында милициянын “Келечек” атындагы заманбап бала бакчасынын ачылышы болду. Бул тууралуу ИИМдин басма сөз кызматынан кабарлашты.

Бала бакча ички иштер министри 
Улан Ниязбековдун демилгеси менен реконструкцияланып, Республикалык бюджеттен каржыланган.

Бул имарат 2002-жылга чейин бала-бакча болуп, кийин Талас шаардык ички иштер бөлүмүнө өткөрүлүп берилген.

“Келечек” балдар бакчасы 74 балага ылайыкташтырылып, Кыргыз Республикасынын Агартуу министирлигинин стандарттарына ылайык окуу программалары түзүлгөн. Бала бакчада тил, бий, музыка сабактары жана өзүнүн логопеди болот. Имаратта балдарды тарбиялоо толук шарттар түзүлүп, керектүү эмеректер, оюнчуктар, аттракциондор жана башка шаймандар менен толукталган.