Кыргызстандык окуучулар эл аралык олимпиададан алтын медалга ээ болушту

Кыргызстандык окуучулар Stars of Informatics 2025 эл аралык информатика боюнча олимпиадада командалык эсепте беш медаль жана үч ардак грамотага ээ болушту.

Тагыраагы,
• Алтын медаль – Рамазан Мананов (“Сейтек STEM” мектеби);
• Күмүш медаль – Абдуллахан Абдирасулов (“Сейтек STEM” мектеби);
• Коло медаль – Саид Джаникеев (“Сейтек STEM” мектеби), Ахмад Алахунов (“Кут Билим” окуу-тарбия комплекси), Актан Мавлянов (“Intellect Pro School” мектеби);
• Ардак грамота – Бектен Абдувалиев (“Ош International School”), Эмирхан Сыдыкбаев (“Газпром Кыргызстан” мектеби), Азирет Исраилов (“Intellect Pro school” мектеби).

Олимпиада ушул жылдын 17–19-октябрында онлайн өтүп, ага 11 өлкөдөн 120дан ашуун окуучу катышты.