Ала-Бука районунда беш жылда 51 объект пайдаланууга берилген

Жалал-Абад облусуна караштуу Ала-бука районунда 2021–2026-жылдары райондо 51 объект пайдаланууга берилген. Бул тууралуу 25-октябрда президент Садыр Жапаров Ала-Бука районунун социалдык-экономикалык өнүгүүсү менен таанышкан кезде айтылды. 

Маалыматка ылайык, алардын катарында :

• жети мектеп,
• сегиз бала бакча,
• эки оорукана,
• эки фельдшердик-акушердик пункт,
• эки спорт залы,
• үч административдик имарат,
• музей комплекси,
• эки эс алуу паркы,
• алты кызматтык үй,
• эки көпүрө,
• эки маданият үйү,
• мини-футбол үчүн 11 аянтча бар.

Учурда Кара-Үңкүр айылында демөөрчүлөрдүн каражаттарынын эсебинен бала бакчанын курулушу жүрүүдө. Ошондой эле 2026-жылдын аягына чейин мектепти жана балдар искусство мектебин пайдаланууга берүү мерчемделүүдө.