Кыргызстанда пенсионерлердин саны өсүүдө

Социалдык фонд өлкөдө пенсионерлердин саны көбөйгөнүн билдирди. 2026-жылдын 1-апрелине карата алардын саны болжол менен 818 миң адамды түздү.

Мындан 10 жылдай мурда пенсионерлердин саны болжол менен 530 миңге жеткен.

Соцфонддун өкүлү Жеңишбек Мукамбетов белгилегендей, алардын басымдуу бөлүгү – болжол менен 80% – жаш курагы боюнча пенсия алуучулар. Мындан тышкары, майыптыгы боюнча жана багуучусун жоготкондугуна байланыштуу пенсия алган жарандар да бар.

Анын айтымында, пенсионерлердин санынын өсүшү жашоо узактыгынын жогорулашы жана өлкөдөгү демографиялык өзгөрүүлөр менен байланыштуу.