2025-жылы Кыргызстанда 8 миңден ашуун жол кырсыгы катталган
2025-жылдын 12 айында Кыргызстандын аймагында 8 миңден ашуун жол кырсыгы катталган. Бул тууралуу 19-январда ИИМ ЖКККББнын былтыр аткарган ыкчам кызматтык ишмердүүлүгүнүн жыйынтыгы чыгарылган кеңешмеде айтылды.
Жол кырсыктарынын басымдуу бөлүгү төмөнкүлөрдөн улам келип чыккан:
- айдоочунун ылдамдыкты ашыргандыгынан,
- жол тилкесинде туура эмес манёвр жасагандыктан,
- жолдун карама-каршы тилкесине чыгып озуп кеткендиктен,
- автоунааны мас абалында айдагандыктан,
- жол кесилишинде бири-бирин өткөрбөгөндүктөн,
- жол белгилерине баш ийбегендиктен,
- аралыкты сактабагандыктан.
Жыйындын жыйынтыгында кызматта кетирилген кемчиликтерди тез арада жоюу тапшырмасы коюлуп, бир катар кызматкерлерге тартиптик чаралар көрүлдү.