Лейлектеги Кайракум суу сактагычынын насостук түтүктөрү жаңыланат

Президенттин Баткен облусундагы ыйгарым укуктуу өкүлү Айбек Шамено Лейлек районунуна болгон иш сапарынын алкагында Лейлек райондук суу чарбасынын 2026-жылдын жазгы талаа жумуштарына даярдыгын текшерди. Бул тууралуу облустагы өкүлчүлүктөн кабарлашты. 

Облус башчысы Лейлек районунун “Арка” өрөөнүн сугат суу менен камсыздаган Кайракум суу сактагычындагы насостук станциясына барып, насостук агригаттардын оңдоп-түзөө иштеринин жүрүшү менен таанышып, оңдоп-түзөө иштерин убагында жана сапаттуу бүтүрүп, жазгы талаа иштерине кечиктирбей, өз убагында суу берүүгө даярдоо боюнча тапшырмаларды берди.

Быйылкы жылы республикалык бюджеттен 12 млн сом каралып, ирригациялык объекттин 100 м сугат түтүктөрүн жаңылоо менен станциянын суу астындагы бөлүгүн ультра үндүү текшерүү пландалган.

Белгилей кетсек, насостук станциянын суу астындагы бөлүгү 2013-жылы, суу бетиндеги калкып турган биринчи каскады 2024-жылы га капиталдык оңдоп түзөөдөн өткөн.

“Арка” насостук станциясы узундугу 16,4 км болгон 3,0 м кубдук канал аркылуу Лейлек районунун Арка өрөөнүндөгү айылдарын, жалпы 2818 га жер аянтын сугат суу менен камсыз кылат.