Бишкекте бала бакча жана бассейни бар 16 кабаттуу комплекстин курулушу текшерилди

Бишкек шаарынын Сүйүмбаев көчөсү 14 А дарегинде курулуп жаткан объектте текшерүү иштери жүргүзүлдү. Бул тууралуу Курулуш, архитектура жана турак жай-коммуналдык чарба министрлигинен кабарлашты.

Аталган даректе “Артвин Девелопмент” ЖЧКсы тарабынан жер алдындагы унаа токтотуучу жайы, балдар бакчасы жана жабык бассейни бар 14–16 кабаттуу турак жай комплекси курулууда.

Текшерүүнүн жүрүшүндө курулуш-монтаждоо иштеринин бекитилген долбоордук-сметалык документацияга, техникалык регламенттерге жана курулуш ченемдерине шайкештигине өзгөчө көңүл бурулду.

Атап айтканда:

• имараттын пайдубалынын жана жер төлө бөлүгүнүн гидроизоляциялык иштеринин долбоордук чечимдерге ылайык аткарылышы;
• жер алдындагы унаа токтотуучу жайдын конструкцияларынын, кирүү-чыгуу бөлүктөрүнүн жана инженердик чечимдеринин долбоорго шайкештиги;
• коопсуздукту камсыз кылуучу коргоочу торлордун болушу.

Текшерүүнүн жыйынтыгында курулуш ченемдеринин, техникалык регламенттердин жана бекитилген долбоордук документациянын талаптарын так сактоо боюнча түшүндүрүү иштери жүргүзүлүп, сунуштар берилди.