Ош шаарындагы заманбап эс алуу багынын курулушу уланууда

Ош шаарынын Н.Исанов көчөсүндө, 2,6 гектар аянтта заманбап эс алуу багынын курулушу уланууда.

Мэриядан кабарлашкандай, жаңы сквердин аймагында төмөнкү объектилер курулат:

• унаа токтотуучу жай;
• кичи футбол аянтчасы;
• заманбап талаптарга жооп берген ажатканалар (rest-room);
• эс алуучулар үчүн кафе;
• башкы кире бериш бөлүгүндө декоративдик арка.

Учурда эс алуу багында суугат системалары, жөө жүрүүчүлөр үчүн тротуарларга таман таштар төшөлүүдө. Бул жер буга чейин кароосуз, пайдаланылбай турган жер болгон.