Айдоочулардын эсине! Ашууларга кар көчкү түшүү коркунучу бар

Өзгөчө кырдаалдар министрлиги аба ырайына байланыштуу шашылыш билдирүү таратып, айдоочуларды этият болууга чакырды. 

ӨКМдин Гидрометеорология кызматынын билдирүүсүнө ылайык, 31-январдан 2-февралга чейин күтүлүп жаткан аба ырайына байланыштуу тоолуу аймактарда  кар көчкү түшүүсү мүмкүн жана кар күрткүсү пайда болот. 

Тактап айтсак:

• Бишкек – Ош унаа жолунун 198-255-чакырымдарындагы Ала-Бел ашуусу, Чычкан капчыгайы;
• Каракол – Эңилчек жолунун 45-90-чакырымдарындагы Чоң-Ашуу ашуусунда кар көчкү түшүүсү мүмкүн.

Унаалардын ортосунда 500 метр аралык кыймылы сакталышы керек.