"Эл Аман" дарыкана тармагын өнүктүрүүгө 500 млн сом бөлүнөт

Саламаттык сактоо министри Каныбек Досмамбетов «Кыргызфармация» мамлекеттик ишканасынын жамаатына жаңы жетекчи Болот Жунусовду тааныштырып жатып, калкты дары-дармек менен камсыздоонун жеткиликтүүлүгүнө басым жасоо менен логистиканы жана «Эл Аман» дарыкана тармагын кеңири масштабда кайра түзүү пландары бар экенин билдирди.

Анын айтымында, жакынкы аралыкта «Кыргызфармация» 2 млрд сом өлчөмүндө мамлекеттик насыя алууну пландап жатат.

«Бул сумманын 500 млн сому “Эл Аман” дарыкана тармагын колдоого жана өнүктүрүүгө багытталат. Негизги максат — жарандарды чындап эле жеткиликтүү жана сапаттуу дары-дармектер менен камсыз кылуу», — деди министр.