Бишкек. Кожевенная көчөсүнүн оңдолушу: 7 маршруттун кыймыл чиймеси убактылуу өзгөрөт

Бишкек шаарында 2026-жылдын 1-апрелинен тартып Кожевенная көчөсү капиталдык оңдоо жана кеңейтүү иштерине байланыштуу жабылат.

Буга байланыштуу, 7 маршруттун кыймыл-чиймеси убактылуу өзгөрөт: №30, №226, №203 – «Бишкек шаардык транспорт» муниципалдык ишканасынын автобустары, ошондой эле №143, №161, №234, №130 маршруттук кичи автобустар.

Долбоор эки этапта ишке ашырылат. Биринчи этапта, 2026-жылдын 1-апрелинен тартып, Аул көчөсүнөн Ибраимов көчөсүнө чейинки бөлүк жабылып, оңдоо иштери башталат. Экинчи этапта Ибраимов көчөсүнөн Элебесов көчөсүнө чейинки бөлүк оңдолот.