Бишкекте эки кичинекей бала сууга чөгүп кетти

Бишкекте эки кичинекей бала сууга чөгүп кетти. Бул тууралуу ӨКМдин Бишкек шаардык башкармалыгынан билдиришти.

Окуя 29-январда болгон.

Куткаруучуларга Бакай-Ата конушунун Кыргыл Чал көчөсүндө жайгашкан каналга балдар түшүп кеткендиги тууралуу маалымат түшкөн.

Издөө иштерине алты куткаруучу тартылып, 2016-жылы туулган кыз жана 2019-жылы туулган жаш баланын сөөгүн чыгарышып, КР ИИМнин кызматкерлерине өткөрүп беришкен.