Ысык-Көлдө жер титирөө катталды

Ысык-Көл облусунда 13-августта жер титирөө катталды. Бул тууралуу Кыргызстандын Улуттук илимдер академиясынын Сейсмология институтунан билдиришти.

Жер титирөө жергиликтүү убакыт боюнча саат 02:49да катталган. Анын күчү 3,5 баллды түзгөн.

Жер титирөөнүн очогу Кара-Сай айылынан 22 чакырым түндүк-чыгышта, ал эми Барскоон айылынан 53 чакырым түштүк-чыгышта жайгашкан.

Кара-Сай айылында жер титирөөнүн күчү 2,5 баллга жеткен.

Жабыркагандар жана кыйроолор тууралуу маалымат түшкөн эмес.