Кибер кылмыштуулуктун алдын алуу. Баткенде түшүндүрүү иштери жүргүзүлдү

Жусуп Баласагын атындагы Кыргыз улуттук университетинин М.М.Тайиров атындагы Кызыл-Кыя гуманитардык-педагогикалык институтунун мугалимдер жамаатына жана студенттерине 3-мартта кибер кылмыштуулуктун алдын алуу боюнча сабак өткөрүлдү. Бул тууралуу Баткен облустук милициясынын маалымат кызматынан кабарлашты. 

Сабактын жүрүшүндө интернет-алдамчылыктын ыкмалары жана түрлөрү, өзгөчө «дроппер» түшүнүгү боюнча кеңири маалымат берилип, коопсуздук эрежелери түшүндүрүлдү.

Ошондой эле катышуучулар тарабынан берилген суроолорго жооп кайтарылып, пикир алышуу болду.