Ноокат районунда заманбап бейтапкана курулууда

Ноокат районунун Жаңы-Базар айылында мамлекеттик казынадан акча бөлүнүп 40 койкалуу бейтапкана курулууда.

Курулуш министрлигинен кабарлашкандай, имараттын курулушу 2023-жылы башталып, учурда курулуштун 70 пайыздык жумуш аткарылды.

Долбоор боюнча бейтапкана үч кабаттан турат. Жалпы аянты 1241 чарчы метрди түзөт.

Курулушу толук бүткөрүлсө жергиликтүү тургундардын бейтапканага болгон муктаждыгы чечилет.