Бишкек шаарынын мэриясы коомдук дааратканаларды жайгаштыруу укугу боюнча кайрадан аукцион жарыялайт

Муниципалдык жер тилкелерин натыйжалуу пайдалануу жана шаардык инфраструктураны өнүктүрүү максатында Бишкек шаарынын мэриясы борбор калаанын аймагында коомдук дааратканаларды жайгаштыруу укугу боюнча аукцион өткөрүүнү демилгеледи.

12-июндан 15-июлга чейин өткөрүлгөн аукционго 12 жер тилкеси коюлуп, алардын үчөө боюнча жеңүүчүлөр аныкталган.

Учурда 7-Апрель жана Ахунбаев көчөлөрүнүн кесилишинде, 12-кичи райондогу №62 үйдүн жанында, ошондой эле Чүй проспектиси менен Курманжан Датка көчөсүнүн кесилишинде жайгашкан жер тилкелери боюнча келишимдер түзүлдү.

Бишкек шаарынын мэриясынын Муниципалдык менчик башкармалыгы калган 9 жер тилкесин кайрадан аукционго чыгарды:

* Кочкор көчөсү – Тыныбеков көчөсү;
* Муром көчөсү – Айни көчөсү (№4 шаардык оорукананын жанындагы сквер);
* Айни көчөсү, 209 (жаңы парк);
* Бакаев көчөсү – Айни көчөсү (Островский көчөсү, 41);
* Профсоюз көчөсү – Патрис Лумумба көчөсү;
* Шевченко көчөсү, №12 үйдүн жанында;
* Фере көчөсү – Дзержинский көчөсү («Кыргызстандын 40 жылдыгы» паркы);
* «Кожзавод» паркы;
* Чокморов көчөсү – Шевченко көчөсү.

Бишкек шаарынын мэриясы кызыкдар болгон ишкерлерди ачык аукционго катышууга чакырат.