Ара-Көл–Оро-Башы унаа жолунун 5 чакырымына асфальт төшөлүүдө

Нарын облусунун Кочкор районундагы Ара-Көл–Оро-Башы унаа жолунун 5 чакырым аралыгында асфальт төшөө иштери кызуутжүрүп жатат.

2026-жылга карата титулдук тизмеге ылайык, аталган жолго жалпы узундугу 5 чакырым жолго асфальт-бетон төшөө каралган.

Учурда №955 Жол эксплуатациялоо мекемеси тарабынан курулуш иштери бекитилген графикке ылайык кызуу уланып, асфальт-бетон аралашмасы төшөлүүдө.

Аталган жол Кочкор районунун Чолпон айыл аймагындагы Ара-Көл жана Оро-Башы айылдарын байланыштырат.

Асфальт төшөө иштери аяктагандан кийин жол кыймылы жеңилдеп, транспорт каражаттары үчүн коопсуз жана ыңгайлуу шарттар түзүлөт.

Жол куруу жана оңдоо иштери Транспорт жана коммуникациялар министрлигинин көзөмөлүндө.