Жалал-Абад облусунда айыл чарба каттоосу кандай өтүүдө

Улуттук статистика комитетинин төрагасы Бактыбек Кудайбергенов 25-мартта Жалал-Абад облусуна барып, айыл чарба эсептеринин жүрүшү менен таанышты. Бул тууралуу ведомстводон кабарлашты. 

Маалыматка ылайык, ал президенттин өкүлү Тилек Текебаев жана Сузак районунун акими Дамир Кулубаев менен жолугуп, эгин аянттары, мал чарбасы, жерлердин түзүмү жана айыл чарба өндүрүшүнүн багыттары боюнча маалыматтарды чогултуу маселелерин талкуулашты.

Маалыматтарды эсепке алуу жана иштетүү үчүн санариптик куралдар колдонулуп, статистиканын тактыгы жана ылдамдыгы жогорулайт.

Ошондой эле төрага Сузак районунун Барпын айыл аймагындагы чарбаны кыдырып, ангус породасындагы чоң мал чарбасын заманбап усулдар менен багуу менен таанышты — жогорку өндүрүмдүүлүккө жана ар кандай климаттык шарттарга ыңгайлашкан.

Эске салсак, айыл чарба каттоосу 2026-жылдын 20-мартынан 10-апрелине чейин жүргүзүлөт.