Быйыл Оштогу А.Навои атындагы паркта беш миң түп көчөт отургузулат

Быйыл Ош шаарындагы Алишер Навои атындагы эс алуу багынын аймагында алынып салынган соода-сатык жайларынын ордуна беш миң түп көчөт отургузулат. Мындай тапшырманы таңкы рейддин жүрүшүндө шаар мэри Жеңишбек Токторбаев берди. 

Мэриядан кабарлашкандай, буга чейин шаар башчысы аталган парктагы бир катар соода-сатык жайларын алып салуу боюнча көрсөтмө берген.

Ошондой эле парк толугу менен жаңыланып, шаар тургундары үчүн заманбап жана ыңгайлуу шарттар түзүлүшү керектигин баса белгилеген.

Мындан тышкары, парк аймагында жайгашкан “Палван-Сарай” имаратынын орду келечекте эс алуу жайы катары уюштурулат.