Клара Сооронкулова президенттик шайлоого талапкер болуу үчүн БШКга арыз берди

Клара Сооронкулова президенттик шайлоого талапкер болуу үчүн БШКга арыз берди. Бул тууралуу Борбордук шайлоо комиссиясынан кабарлашты. 

Маалыматка ылайык, бүгүн, 12-ноябрда, Сооронкулова Клара Сыргакбековна Кыргыз Республикасынын президенттигине өзүн-өзү көрсөтүү тартибинде талапкерлигин көрсөтүү жөнүндө арыз менен Кыргыз Республикасынын Шайлоо жана референдум өткөрүү боюнча борбордук комиссиясына кайрылды.

Кыргыз Республикасынын президентин шайлоодо талапкерлерди көрсөтүү жөнүндө арыз менен кайрылуу бүгүн 2026-жылдын 12-ноябрында, саат 24:00дө аяктайт.

Белгилей кетсек, Кыргызстанда кезектеги президенттик шайлоо 2027-жылдын 27-январында өтөт.