ИИМ: Бишкекте болгон чыр-чатак боюнча текшерүү жүрүүдө

Бишкекте болгон чыр-чатак боюнча текшерүү жүрүүдө. Бул тууралуу Ички иштер министрлигинен кабарлашты. 

Маалыматка ылайык, интернет тармагында топ адамдар менен эркек кишинин ортосундагы чыр-чатак камтылган видео тараган. Жогорудагы көрүнүш Бишкек шаарыныны Бакаев көчөсүндө болгон.

Милиция кызматкерлери окуянын бардык катышуучуларын Ленин райондук ички иштер башкармалыгына жеткирилген. Окуя белгиленген тартипте катталды.

Учурда тийиштүү процессуалдык иш-чаралар жүргүзүлүүдө. Текшерүүнүн жыйынтыгы боюнча катышуучулардын аракеттерине Кыргыз Республикасынын мыйзамдарына ылайык юридикалык баа берилет.