Кыргызстандык аскерлер 800 метр бийиктиктен парашют менен секирүүлөрдү аткарышты

Кыргызстандык аскерлер 800 метр бийиктиктен парашют менен секирүүлөрдү аткарышты. Бул тууралуу Коргоо министрлигинен кабарлашты.

Маалыматка ылайык, 52870 аскер бөлүгүнүн базасында Түштүк-Батыш оперативдик кол башчылыгына караштуу аскер бөлүктөрүнүн аскер кызматчылары үчүн аба-десанттык даярдоо боюнча окуу-машыгуу жыйыны өткөрүлдү.

Жыйынынын жүрүшүндө катышуучулар аба-десанттык даярдык боюнча теориялык билимдерди өздөштүрүп, парашютту жыйноо боюнча практикалык машыгуулардан өтүштү.

Ал эми 2026-жылдын 7-июлунда 52870 аскер бөлүгүнүн аскердик полигонунда жыйындын жыйынтыктоочу этабында катышуучулар 800 метр бийиктиктен парашют менен практикалык секирүүлөрдү ийгиликтүү аткарышты.