Кыргызстан менен Индия антитеррордук биргелешкен машыгууларды улантат

Кыргызстан менен Индия аскердик тармактагы кызматташтыкты өнүктүрүүнү улантып, жыл сайын биргелешкен антитеррордук машыгууларды өткөрүп келет. Бул тууралуу индолог, чыгыш таануучу-тарыхчы, Кыргыз Республикасынын Атайын жана Ыйгарым укуктуу элчиси Евгений Каблуков «Биринчи радионун» түз эфиринде билдирди.

Анын айтымында, 2026-жылы мындай машыгуулар Индиянын Ассам штатында өткөн.

Каблуков билдиргендей, машыгуулардын кийинки этабы 2027-жылы Кыргызстанда өтүшү керек.

Ошондой эле Индия кыргызстандыктарга өзүнүн аскердик окуу жайларында билим алуу мүмкүнчүлүгүн берет.

Мындан тышкары, эксперттин айтымында, Нью-Дели өзүнүн коргонуу өнөр жайынын өсүшүнүн фонунда аймактагы өлкөлөр менен аскердик-техникалык кызматташтыкты өнүктүрүүгө кызыкдар.

Каблуков белгилегендей, КМШнын бир катар өлкөлөрү Индия менен мындай кызматташтыкты буга чейин активдүү өнүктүрүп келишет.