Кыргызстандын аймагында дан эгиндерин оруп жыйноого 1459 комбайн тартылды

Кыргызстандын аймагында дан эгиндерин оруп жыйноого 1459 комбайн тартылды.

Айыл чарба министрлигинен кабарлашкандай, комбайндар түшүмдүн бышып жетилүүсүнө карап, аймактарга бөлүндү.

Оруп-жыюу өнөктүгүнүн жүрүшүндө Чүй облусуна Ысык-Көл жана Нарын облустарынан 100дөн ашык дан комбайны тартылып, өнөктүк өз нугунда жүргүзүлүп, жыйынтыктоо алдында турат.

Өлкөнүн түштүк аймагындагы оруп-жыюу өнөктүгүнө жалпысынан 450 гө жакын дан комбайны катышууда. Алардын ичинен 100гө жакыны тоо этегиндеги дыйканчылык зоналарына тартылды. 2026-жылы бир комбайнга туура келген иш көлөмү орточо 259 гектарды түздү.

Азыркы учурда оруп-жыюу өнөктүгү Ысык-Көл жана Нарын облустарында башталды.