Бишкек – Ош унаа жолу ачылды

Бишкек – Ош автожолуна түшкɵн кар кɵчкү саат 11:30да толугу менен тазаланып, эки тараптуу каттам камсыздалды. 

КР Транспорт жана коммуникациялар министрлигинин маалымат кызматы билдиргендей, учурда Арал постунан киргизилген оор жүк ташуучу унааларга болгон чектɵɵ күчүндө.

Белгилей кетсек, 11-март, таңкы саат 6:50дɵ Бишкек – Ош автожолунун 224 чакырымында Ала –бел ашуусунда кар кɵчкү түшкɵн. Бардык автоунаалар үчүн каттам убактылуу эки тараптуу жабылган.

Жеринде № 23 жол тейлɵɵ ишканасы тарабынан ыкчам түрдɵ керектүү техникалар тартылып, тазалоо иштери жүргүзүлдү.