Көк-Жарда курулушта иштеген эркек киши каза болду: текшерүү иштери башталды

Көк-Жар айылында курулуп жаткан имараттын аймагында бийиктиктен кулап кеткен эркек кишинин каза болгон факты боюнча тергөөгө чейинки текшерүү иштери жүргүзүлүүдө.

Укук коргоо органдарынын маалыматына ылайык, окуя тууралуу билдирүү 10-июнда «102» кызматына түшкөн.

Окуя болгон жерге ыкчам тергөө тобу жана тез жардам кызматынын бригадасы дароо жөнөтүлгөн.

Анын жүрүшүндө каза болгон адам 1977-жылы туулган эркек киши экени аныкталган. Ага алгачкы медициналык жардам көрсөтүлгөнүнө карабастан, алган жаракаттарынан улам көз жумган.

Бул факт боюнча материал каттоого алынып, зарыл болгон соттук-медициналык экспертизалар дайындалды.

Учурда тергөө окуянын бардык жагдайларын, анын ичинде курулуш объектисиндеги коопсуздук шарттарын жана кулап кетүүнүн мүмкүн болгон себептерин аныктоодо.