Кыргызстандыктар Түркиядагы мейманканаларга ишке орношо алышат. Каттоо башталды

Кыргызстандын жарандары үчүн Түркиянын туризм тармагында иштөө максатында 500 орунга онлайн-каттоо башталды. Бул тууралуу Эмгек министрлигине караштуу жарандарды чет өлкөгө ишке орноштуруу борбору билдирди.

Мейманканалардагы бош орундар төмөнкү кызматтарга каралган:

• официанттар;
• бөлмө тазалоочулар;
• мейманкананын коноктор менен иш алып барган менеджерлери;
• аниматорлор;
• ашпозчулар;
• тазалоочу кызматкерлер ж.б.
• Талаптар:
• Кыргызстандын жарандары, жаш курагы 18ден 45 жашка чейин;
• 2026-жылга чейин жарактуу жалпы жарандык (чет элдик) паспорту болушу керек.
• Каттоодо талап кылынат:
• Аты-жөнү латын тамгасында жазылышы керек;
• Паспорттун сүрөтү жана номери (PE же AC менен башталат);
• Толук бойдон жана ак фондо тартылган беттин сүрөтүн жүктөө;
• Электрондук почта;
• Байланыш номери;

Кошумча суроолорго жооп берүү.

Талаптарга жооп берген талапкерлер электрондук почта аркылуу маектешүүгө чакырылат. Маектешүү 2025-жылдын 30-январында Бишкек шаарында өтөт.

Каттоодон өткөн талапкерлер түрк иш берүүчүлөр тарабынан тандалат. 500 орун толгондо, онлайн-каттоо автоматтык түрдө жабылат.

Айлык маяна: 700-800 АКШ доллары.

Иш берүүчү камсыздайт:

• Баруу жана кайтуу билети;
• Күнүнө үч маал тамак-аш;
• Жатакана;
• Медициналык камсыздандыруу.