Кыргызстанда камсыздандыруу пулу түзүлөт

Кыргызстанда турак жайларды өрттөн жана жаратылыш кырсыктарынан милдеттүү камсыздандыруу үчүн камсыздандыруу пулу түзүлөт.

Тиешелүү мыйзамга президент Садыр Жапаров 2026-жылдын 24-июлунда кол койду. Бул тууралуу Мамлекеттик каржылык көзөмөл кызматы билдирди.

Документ Жарандык кодекске жана турак жайларды өрттөн жана жаратылыш кырсыктарынан милдеттүү камсыздандыруу жөнүндө мыйзамга өзгөртүүлөрдү киргизет.

Камсыздандыруу пулу камсыздандыруу компанияларын бириктирип, тобокелдиктерди биргелешип бөлүштүрүүгө мүмкүндүк берет. Бул турак жайларды милдеттүү камсыздандыруу системасынын каржылык туруктуулугун жогорулатат деп күтүлүүдө.

Жаңы механизм камсыздандыруу учурлары катталган учурда жарандарга төлөмдөрдү өз убагында жүргүзүүгө шарт түзөт.

Мамлекеттик каржылык көзөмөл кызматынан белгилешкендей, мыйзамдын ишке ашырылышы камсыздандыруу рыногунун өнүгүшүнө жана калктын мүлктүк кызыкчылыктарын коргоону күчөтүүгө өбөлгө түзөт.

Улуттук статистика комитетинин маалыматына ылайык, 2026-жылдын биринчи чейрегинде Кыргызстанда 19 камсыздандыруу компаниясы иш алып барган. Алардын кирешеси 2,9 млрд сомду түзүп, өткөн жылдын ушул мезгилине салыштырмалуу 1,4 эсеге өскөн.