Каракөл ГЭСинин курулушу кызуу жүрүп жатат

Кыргызстандын Энергетика министрлиги өлкөнүн энергетика тармагы үчүн жаңы горизонтторду ачып, тармакты өнүктүрүүгө багытталган долбоорлорду колдоп, ишке ашырууда.

Ведомстводон кабарлашкандай, бул багыттагы кийинки кадам Жалал-Абад областынын Токтогул районундагы Кара-Суу дарыясынын боюндагы Каракөл ГЭСинин курулушу болду. Бүгүнкү күндө ГЭСтин курулушу 80% бүтүп, төмөнкүдөй иштер аткарылууда:

• Башкы суу алуучу курулуш толугу менен бүткөрүлдү;

• ГЭС имаратынын колонналарын, крандардын устундарын, жогорку курулуш металл конструкцияларын жана чатырын монтаждоо иштери аяктады;

• Алуу каналдарын бетондоо боюнча жана сэндвич-панель дубалдарын монтаждоо иштери жүрүүдө;

• Басым түтүгүн монтаждоо акыркы этабында, калган түтүк барчасы монтаждалууда;

• Жерди даярдоо жана жер казуу иштери аяктады;

• Подстанциянын жабдууларын орнотуп, монтаждоо акыркы баскычта;

• №1 жана 2 гидротурбиналардын орнотулган тетиктери, ошондой эле бардык жабдуулар курулуш аянтчасына жеткирилди;

• Курулуш кранын монтаждоо иши сонуна келди

Бардык курулуш-монтаждоо иштери инвестициялык келишимдин графигине ылайык жүргүзүлүүдө.

Маалымат үчүн: Станциянын долбоордук кубаттуулугу 18 МВтты, ал эми орточо жылдык электр энергиясын өндүрүүсү 110 млн. кВт.саатты түзөт. Каракөл ГЭСинин курулушу болжол менен быйылкы жылдын аягына белгиленген.