Кыргызстанда жети айда аялдар үчүн 12 млн ашык кийим-кече тигилген

2026-жылдын январь-июль айларында Кыргызстандагы ишканалар тарабынан аялдар жана кыздар үчүн 12 млн 296,7 миң даана сырт кийим өндүрүлдү.

Кыргызстандын Улуттук статистика комитетинин маалыматына караганда, бул өткөн жылдын ушул эле мезгилине салыштырмалуу 18,1%га көп.

Эркектер жана балдар үчүн сырт кийимдердин өндүрүшү 3 млн 70,2 миң даананы түзүп, 9,6%га өскөн.

Ошентип, жети айда сырткы кийимдин ушул эки түрү боюнча жалпысынан 15,4 млнго жакын даана продукция өндүрүлгөн.