Бишкекте жыл башынан бери 17,8 миң акылдуу эсептегичтер орнотулду

Энергетика тармагындагы реформанын жана санариптештирүүнүн алкагында Бишкек электр тармактар ишканасы – «КУЭТ» ААКнын филиалы тарабынан АСКУЭ (Электр энергиясын коммерциялык эсепке алуунун автоматташтырылган тутуму) эсептегичтери орнотулууда.

АСКУЭ эсептегичтерин орнотуунун негизги максаты – электр энергиясын бөлүштүрүүнү, көзөмөлдөөнү жана эсепке алууну натыйжалуу жүргүзүү.

Жыл башынан бери энергетиктер Бишкектин районунда 17872 акылдуу эсептегич орнотушту.

Алардын ичинде:

• Ленин району – 6525 даана
• Свердлов району – 3284 даана
• Первомай району – 8115 даана

Жалпысынан Бишкек шаары боюнча 2025-жылы 28000 даана акылдуу эсептегич орнотуу пландалган. Калганы жыл аягына чейин орнотулат.

Акылдуу эсептегичтердин артыкчылыктары:

• көрсөткүчтөрдү реалдуу убакыт режиминде серверге автоматтык түрдө өткөрүп берет;
• керектөө белгиленген кубаттуулуктан ашкан учурда электр энергиясын автоматтык түрдө өчүрөт;
• дебитордук карыз болгон учурда автоматтык түрдө өчүрүп, төлөгөндөн кийин кайра автоматтык түрдө күйгүзөт;
• эсептегичке тыштан кийлигишүү аракети болгон учурда дароо кабар берет;
• жеткирилген электр энергиясынын сапатын жогорулатат;
• электр энергиясын уурдоонун коркунучтарын азайтат жана контролёр менен керектөөчүнүн түз байланышына муктаждыкты азайтуу аркылуу адам факторун жокко чыгарат;
• электр жабдууларын ашыкча жүктөөдөн коргойт.