Афганистан: кыргыз экспортунун жаңы мүмкүнчүлүктөрү
14-августта «Кыргыз Экспорт» борбору Афганстандын Өнөр жай жана соода министри мырза Нуреддин Азизи баштаган афган делегациясы жана кыргыз ишкерлери үчүн бизнес-ланч уюштурду.
Иш-чарага 12 ата мекендик компаниянын өкүлдөрү катышып, өз продукцияларын тааныштырышып жана кызматташтыкты кеңейтүү боюнча пландарын бөлүшүштү.
Афган тарап төмөнкүлөргө кызыкдар экенин билдирди:
- тамак-аш продукциясы
- дары чөптөр
- тоо-кен ишмердүүлүгү үчүн жарылуучу заттар
- өнөр жай продукциясы, анын ичинде «желмаян»
- жүк ташуучу унаалар
- кыргыз айнек идиш өндүрүшү
Иш-чарада кыргыз продукциясын Афганстан рыногуна жеткирүүнү кеңейтүүнү кошкондо, соода-экономикалык мамилелерди өнүктүрүүнүн келечектери жана кызматташтыктын конкреттүү багыттары талкууланды.
Жыйынтыгында тараптар Афганстандын Кабул шаарына Соода миссиясын уюштурууга макул болушту.