Кыргызстанда эт өндүрүшүн көбөйтүү үчүн 20 миң баш мал импорттоо пландалууда

Кыргызстанда ички рынокту эт менен камсыз кылууну жакшыртуу максатында кеминде 20 миң баш ири мүйүздүү мал импорттоо пландалууда.

Тиешелүү чара министрлер кабинетинин 2026–2027-жылдарга бааларды турукташтыруу боюнча иш-чаралар планынын долбооруна киргизилген.

Малды импорттоону «Кыргыз Агрохолдинг» ААКсы уюштурушу керек. Мал Казакстан, Беларусь жана Россиядан алынышы күтүлүүдө.

Экономика министрлигинин эсептөөлөрүнө ылайык, импорттун эсебинен кошумча кеминде 2,7 миң тонна эт өндүрүлүп, ошол эле учурда мал чарбачылыгынын асыл тукум базасы жакшырат.

Мындан тышкары, этти жана башка азык-түлүктөрдү ортомчуларсыз түз сатуу үчүн 100 соода түйүнүн ачуу пландалууда.

Анын 30у Бишкекке, 15и Ош облусуна, 14ү Жалал-Абад облусуна жана 12си Чүй облусуна жайгаштырылат.

Мындай сооданы уюштуруу үчүн жер тилкелерин акысыз берүү жана электр энергиясына кеткен чыгымдарды субсидиялоо сунушталууда.

Мындан тышкары, жети облуста жалпы сыйымдуулугу 18 миң тонна болгон А классындагы 11 соода-логистикалык борборду куруу пландалууда.