Күрп-Сай ГЭСде күз-кыш мезгилине даярдык иштер уланууда

Энергетика министрлигинин өлкөдөгү электр камсыздоонун ишенимдүүлүгүн жогорулатуу боюнча программасынын алкагында Күрп-Сай ГЭС — «Электр станциялар» ААКнын филиалы алдыдагы күз-кыш мезгилинде карата даярдык ишетрин сапаттуу жана өз убагында жүргүзүүдө.

Жыл башынан бери 40тан ашык жабдууга оңдоо иштери аткарылды. Алардын ичинен эң негизгилери:

• «Кристалл», «Датка» жана «Городок» подстанцияларындагы өчүргүчтөрдү техникалык тейлөө;
• АТ-2 автотрансформаторуна учурдагы оңдоо иштери;
• 110 жана 220 кВ кошулууларын оңдоо;
• гидрогенераторлорго, трансформаторлорго жана өчүргүчтөргө учурдагы оңдоолор.

Жогорку жүктөм мезгилинде жабдуулардын коопсуз иштешине өзгөчө көңүл бурулууда. Бардык оңдоо иштер графикти бузбастан аткарылып, бүгүнкү күндө эле станциянын күз-кыш мезгилине жогорку даярдык деңгээли тууралуу айтууга мүмкүнчүлүк түзүлдү.

2025-жылдын август айына карата:

• пландагы иштердин 70 пайыздан ашыгы аткарылды;
• калган иш-чаралар белгиленген мөөнөттө аяктайт.

«Электр станциялар» ААКнын филиалы – Күрп-Сай ГЭС ишенимдүү жана коопсуз инфраструктура менен күз-кыш мезгилин тосууга даяр экендигин тастыктайт жана регион тургундарын туруктуу электр энергиясы менен камсыз кылууну улантат.