Кыргызстандыктар жылына 15,4 миң тонна желим баштык колдонушат

Кыргыз Республикасынын Улуттук статистика комитетинин 2022–2024-жылдардагы маалыматтарына ылайык, өлкөдө желим баштыктардын өндүрүшү:

2022 – 588 тонна,
2023 – 893 тонна,
2024 – 707,7 тоннаны түзгөн.

Ошол эле учурда, импорт жергиликтүү өндүрүштөн бир топ ашып кеткен:

2022 – 12 304 тонна,
2023 – 10 573 тонна,
2024 – 15 400 тонна.

Ошентип, Кыргызстан желим баштыктарга болгон муктаждыгынын болжол менен 10–15% гана жергиликтүү өндүрүш аркылуу канааттандырат. Негизги импорттоочу өлкөлөр - Кытай, Иран жана Казакстан.

Расмий булактарда бир жолку колдонулуучу желим идиш-аяктарды (тарелкалар, чөйчөктөр, айрылар ж.б.) өндүрүү жана импорттоо боюнча так статистика жок. Бирок, жергиликтүү өндүрүүчүлөрдүн расмий эмес маалыматына ылайык, импорттун үлүшү болжол менен 65%ды түзөт, ал эми ата мекендик өндүрүш 35%ды түзөт. Андан тышкары, жергиликтүү өндүрүш жыл сайын өсүп жатат.

Кыргызстан жыл сайын болжол менен 500 000 тонна катуу муниципалдык таштандыларды чыгарат, алардын олуттуу бөлүгү желим баштыктардан жана бир жолку колдонулуучу идиш-аяктардан турат. Пластик калдыктарды кайра иштетүү өнүкпөй калууда: сорттоочу заводдор жок, ал эми калдыктардын көпчүлүгү таштанды төгүүчү жайларга ташталат.