Ысык-Көл акваториясында 1000 метр эски тор алынды

2025-жылдын 28-октябрында Жаратылыш ресурстары,экология жана техникалык көзөмөл министрлигине караштуу Экологиялык жана техникалык көзөмөл кызматынын Ысык-Көл регионалдык башкармалыгынын инспекторлору жана Эко тур милициясынын кызматкерлери тарабынан Ысык-Көлдүн акваториясында Кыргыз Республикасынын Президентинин №131 Жарлыгын аткаруу максатында 1000 метрге жакын мыйзамсыз коюлган синтетикалык эски тор алынды.

Бул иш-чара балык ресурстарын жана көлдүн биологиялык ар түрдүүлүгүн коргоого багытталган.

Мындан тышкары, экологиялык коопсуздукту сактоо жана жаратылыш ресурстарын мыйзамсыз пайдаланууга бөгөт коюу максатында рейддик текшерүүлөр үзгүлтүксүз жүргүзүлүп жатат.