Кыргызстандын мамлекеттик көлмөлөрүндө балык запастарын көбөйтүү иштери башталды

Балык өнөр жайы комплекси департаменти 2025–2026-жылдарга карата Кыргыз Республикасынын мамлекеттик балык чарба көлмөлөрүндө балык запастарын жасалма жол менен көбөйтүү боюнча иш-чараларды баштады.

Бул иштер Кыргыз Улуттук Илимдер академиясынын Биология институту менен макулдашылган жана бекитилген план-прогноздун негизинде жүргүзүлүүдө.

Планды ишке ашыруу алкагында “Соң-Көл балык чарба” мамлекеттик ишканасы тарабынан маанилүү иштер аткарылды. Кочкор районунун Эпкин айылында жайгашкан инкубация цехинде сига-лудога балыгынын 2,4 миллион даана уругу алынып, атайын инкубациялык Вейса аппараттарына салынды.

Бул кадам өлкөдөгү балык чарбасын өнүктүрүү, жаратылыштагы балык түрлөрүн сактап калуу жана көбөйтүү максатында жасалууда. Жасалма көбөйтүү аркылуу экологиялык тең салмактуулукту сактоо менен бирге, балык өндүрүшүн жогорулатууга да шарт түзүлөт.

Департамент белгилегендей, 2025–2026-жылдардагы программа балык чарбасынын биологиялык потенциалын кеңейтүүгө жана балык чарбачылык ишканалардын туруктуу иштешине багытталган.

Маалымат үчүн:
Балык запастарын жасалма жол менен көбөйтүү – Кыргызстандын суу ресурстарын натыйжалуу пайдалануунун жана экологиялык коопсуздукту камсыздоонун маанилүү бөлүгү болуп саналат. Бул иштердин жыйынтыгында өлкөнүн суу сактагычтарында жана көлдөрүндө балык саны олуттуу көбөйөрү күтүлүүдө.