Бишкекте Азербайжандын маданият күндөрү өтөт

Бишкекте 21-апрелде Азербайжандын маданият күндөрү өтөт. Бул тууралуу Маданият, маалымат, спорт жана жаштар саясаты министрлигинен кабарлашты.

Маданий иш-чаралар программасы:

21-апрель.

• Саат 15:00 –Гапар Айтиев атындагы Кыргыз улуттук көркөм сүрөт музейинде,
• Азербайжан улуттук мурас искусствосу көргөзмөсү.
• Саат 19:00 – Токтогул Сатылганов атындагы Кыргыз улуттук филармониясында,
• Азербайжан искусствосунун чеберлери катышкан гала концерт

22-апрель.

• Саат 14:30 – Алыкул Осмонов атындагы Кыргыз Республикасынын Улуттук китепканасында,
• Азербайжан адабияты бурчунун ачылышы.
• Саат 15:00 –Алыкул Осмонов атындагы Кыргыз Республикасынын Улуттук китепканасында,
• Бахтияр Вахабзаденин китебинин бет ачары.
• Саат 19:00 – Абдылас Малдыбаев атындагы Кыргыз улуттук академиялык опера жана балет театрында, Азербайжан мамлекеттик бий ансамблинин концерти.

23-апрель.

• Саат 16:00 –Чыңгыз Айтматов атындагы Кыргыз мамлекеттик улуттук орус драма театрында, Азербайжан мамлекеттик пантомима театрынын режиссёру Жейхун Дадашовдун мастер-классы.
• Саат 19:00 – Абдылас Малдыбаев атындагы Кыргыз улуттук академиялык опера жана балет театрында, Азербайжандын улуу композитору Узейир Гаджибейлинин 140 жылдыгына арналган симфониялык музыка кечеси.

24-апрель.

• Саат 16:00 Кыргыз улуттук “Манас” театрында,
• Салттуу музыкалык аспаптар ансамблинин концерти.
• Саат 19:00 – Калый Молдобасанов атындагы Кыргыз улуттук консерваториясында, Джаз музыкасынын кечи.

Аталган маданий иш-чараларга кирүү акысыз.