Куурчак театрында Айтматовдун «Деңиз бойлой жорткон ала дөбөт» спектаклдин премьерасы өттү

Муса Жангазиев атындагы Кыргыз мамлекеттик куурчак театрында 6-июнда Чыңгыз Айтматовдун «Деңиз бойлой жорткон ала дөбөт (Пегий пес, бегущий краем моря)» чыгармасынын негизинде коюлган спектаклдин премьерасы болуп өттү.

Маданият министрлигинин басма сөз кызматынан кабарлашкандай, спектакль 6-7-13 жана 14-июнь күндөрү саат 18:00дө көрсөтүлөт.

Спектакл 14+ жаштан жогору көрүүчүлөргө арналган, узактыгы 60 мүнөт.

• Режиссёр-постановщик — Антон Зайцев
• Сахна көркөмү — Асия Курманалина, Кыргыз Республикасынын эмгек сиңирген ишмери
• Композитор — Ярослав Жуков
• Хореограф — Салтанат Беймишева

Бул спектакль —  ритуал өзгөчө сахналык формада коюлуп, кыргыз жана орус тилдери бир сахнада айкалышып аткарылды.

Тилдердин мындай өз ара өтүшү чыгармадагы философиялык тереңдикти жана адам тагдырларынын көп катмарлуулугун ачып берүүгө шарт түздү.