Ы.Туманов атындагы Каракол мамлекеттик музыкалык окуу жайына Абайбек Коробаев директор болду

Кыргыз Республикасынын Маданият, маалымат жана жаштар саясаты министрлиги 2025-жылдын 20-ноябрынан тартып Ы.Туманов атындагы Каракол мамлекеттик музыкалык окуу жайына Коробаев Абайбек Алымбековичти эмгек келишиминин негизинде директор кылып дайындады.

Коробаев Абайбек Алымбекович 1977-жылдын 3-августунда Каракол шаарында искусство кызматкерлеринин үй-бүлөсүндө төрөлгөн.

Билими боюнча:

• 1984–1992-жж. Каракол шаарындагы №11 мектеп-гимназиясын аяктаган;
• 1992–1996-жж. Ы.Туманов атындагы музыкалык окуу жайында “Вокал” бөлүмүндө окуп, ийгиликтүү бүтүргөн;
• 2015–2019-жж. Ысык-Көл облусунун К.Тыныстанов атындагы университетинин “Педагогика” факультетин аяктап, мугалим адистигине ээ болгон.

Эмгек жолу:
• 1996–2010-жж. жеке фермерлик ишмердүүлүк менен алектенген;
• 2010–2011-жж. Каракол шаардык муниципалдык “Тазалык” ишканасынын өндүрүштүк башчысы;
• 2012–2019-жж. Каракол шаарынын мэриясына караштуу №2 муниципалдык аймактык башкармалыгынын башчысы;
• 2018–2020-жж. Каракол шаардык аймактык шайлоо комиссиясынын мүчөсү;
• 2024-жылдын 29-январынан 5-ноябрына чейин Түп районунун Караксаев айыл өкмөтүнүн башчысы болуп иштеген.