«Алтын глобус – 2026» башкы жеңүүчүлөрү аныкталды

Кинопремиялар сезону расмий түрдө ачылды, ал эми алгачкы ири иш-чара болуп, «Алтын глобус – 2026» сыйлык тапшыруу аземи өттү. Бул жылы аземдин алып баруучусу комедиялык актриса Никки Глейзер болуп, кеченин жүрүшүндө бир нече көйнөк алмаштырды. Кызыл килемге номинанттар жана коноктор чыгып, эң мыкты мода образдарын көрсөтүштү.

Алгачкы жеңүүчүлөрдүн катарында Теяна Тейлор «Экинчи пландагы мыкты аял актриса» номинациясында сыйлык алса, 16 жаштагы Оуэн Купер «Өткөөл курак» сериалдагы ролу үчүн «Алтын глобустун» эң жаш лауреаттарынын бири болду. Жаңы «Мыкты подкаст» номинациясын атактуу Снуп Догг жарыялады.

Салтанаттын негизги жеңүүчүлөрү:

• Мыкты драмалык фильм — «Франкенштейн» (Гильермо дель Торо)
• Мыкты комедиялык же музыкалык фильм — «Марти Улуу» (Джош Сафди)
• Мыкты режиссёр — Пол Томас Андерсон («Согуштан-согушка»)
• Мыкты сценарий — Пол Томас Андерсон («Согуштан-согушка»)
• Экинчи пландагы мыкты аял актриса — Теяна Тейлор («Согуштан-согушка»)
• Комедия/мюзиклдеги мыкты эркек актёр — Тимоти Шаламе («Марти Улуу»)
• Мыкты подкаст — «Good Hang with Amy Poehler»
• Мыкты ыр — «Golden» («Кей-поп: жин аңчылары» фильминен)

Аземдеги өзгөчө учурлардын катарында Маколей Калкиндин мыкты сценарий үчүн сыйлык тапшыруусу, ошондой эле номинанттардын, анын ичинде Тимоти Шаламенин ата-энесине жана өнөктөшүнө ыраазычылык билдирген сөзү болду.

Сериалдар боюнча жеңүүчүлөр:

• Драмалык сериалдын мыкты актёру — Ноа Уайли («Питт ооруканасы»)
• Комедиялык/музыкалык сериалдын мыкты актрисасы — Джин Смарт («Хиттер»)
• Комедиялык/музыкалык сериалдын мыкты актёру — Сет Роген («Киностудия»)
• Мыкты мини-сериал жана антология — Стивен Грэм («Өткөөл курак»)
• Чет элдик фильмдердин арасында жеңишти Джафар Панахинин «Жөнөкөй кокустук» тасмасы алды.
• Мыкты анимациялык фильм — «Арко»,
• ал эми мыкты саундтрек — Александр Деспла («Франкенштейн»).
• «Алтын глобус – 2026» аземи кино майрамы гана болбостон, мода, эмоция жана жаркын көз ирмемдердин сахнасына айланып, дүйнө жүзүндөгү кино күйөрмандары менен ЖМКлардын талкуусуна түштү.